हरियालो सावन आयो दादी आज्यईयो

👁 0 views

हरियालो सावन आयो दादी आजईयो
आजईयो माँ आजईयो

तीजां रो त्यौहार है आयो
थान बुलाऊं दादी चाव समायो
पोता पोती र आंगन आजईयो
हरियालो——–

मेहन्दी लगाऊं थार हाथां राचणी
सर पर उढा़ऊं थान लाल ओढ़णी
चुड़ो पहनाऊं थान आजईयो
हरियालो——-
आंगन मं थारी खातिर झुलो घालुं
चुन चुन कलियां झुलो सजाऊं
हौले सुं झोटा देउं आजईयो
हरियालो——–
सखियां बुलाऊं थान भजन सुणासी
खीर बणाऊं म्हारो मन सुख पासी
लाड लडा़ऊं थारा आजईयो
हरियालो——–
दादी म्हारी थारी याद सताव
मिलण री मन मं हुक घणी आव
उषा बुलाव थान आजईयो
हरियालो——–

← All bhajans

हरियालो सावन आयो दादी आज्यईयो

श्री नारायणी दादी परिवार